Boðað er til fjarfundar 17. mars frá 13:00 - 14:00 fyrir félagsmenn þar sem Ásmundur Einar Daðason, félagsmálaráðherra kynnir átakið Hefjum störf og sérfræðingar Samtaka atvinnulífsins og Vinnumálastofnunar fara nánar yfir úrræðin og sitja fyrir svörum.
Farið verður í gegnum skilyrði úrræðisins og markmið, samspil þess við úrræði stjórnvalda um stuðning launa á uppsagnarfresti og hlutabótaleiðina. Síðast en ekki síst verður farið yfir umsóknarferlið og framkvæmdina.
Um er að ræða klukkustundarfund í gegnum fjarfundarforrit. Félagsmönnum gefst færi á að senda spurningar í gegnum spjallþráð forritsins, en slóðin á fundinn verður send út með tölvupósti þegar nær dregur. Ítarlegar upplýsingar um ráðningarstyrk má finna á heimasíðu Vinnumálastofnunar.
Ath. upplýsingafundurinn er aðeins ætlaður félagsmönnum SA.
Hér má skrá sig á fundinn:
