Samtök atvinnulífsins bjóða starfsfólki aðildarfyrirtækja SA upp á þrjá fræðslufundi í febrúar og mars um starfsmannamál og kjarasamninga. Fundirnir fara fram í Húsi atvinnulífsins, Borgartúni 35, kl. 8.30-11.
Lögfræðingar á vinnumarkaðssviði Samtaka atvinnulífsins sjá um fræðsluna sem gagnast öllum sem koma að starfsmanna- og launamálum fyrirtækja.
Fræðslunni er skipt upp í þrjá hluta og geta þátttakendur skráð sig í þá alla eða staka. Hver hluti tekur tvær og hálfa klukkustund og gefst tækifæri til umræðna og fyrirspurna. Farið verður yfir raunhæf ágreiningsefni og niðurstöður dómstóla þar sem við á.
Fræðslufundirnir verða haldnir í salnum Kviku á 1. hæð. Athugið að fjöldi þátttakenda er takmarkaður.
Fyrsti fundurinn er 8. febrúar, dagskrá og skráning hér að neðan.
DAGSKRÁ
Yfirlit yfir skipulag vinnumarkaðarins
Aðilar vinnumarkaðarins, stéttarfélög, samtök atvinnurekenda, kjarasamningar
Ráðning starfsmanna
Auglýsingar starfa, ráðning, skriflegir ráðningarsamningar, launaákvarðanir, starfslýsingar, réttindi og skyldur starfsmanna og vinnuveitanda
Verktakar eða launþegar
Samningsfrelsi aðila, verktakasamningur, ráðningarsamningur
Vinnufyrirkomulag og vinnutími
Dagvinna, yfirvinna, vaktavinna, tilfallandi vinna, neysluhlé, bakvaktir, útköll, vetrarfrí, hvíldartími
Félagsaðild, lífeyrissjóðir og iðgjöld í sjóði
Félagafrelsi, sjúkrasjóðir, starfsmenntasjóðir
