Umsóknir í Þróunarsjóð EFTA
Á næstu vikum verður opnað fyrir umsóknir í Þróunarsjóð EFTA. Verkefnin eiga að snúa að efnaminni aðildarríkjum ESB en í Stiklum, vefrits viðskiptaskrifstofu utanríkisráðuneytisins, kemur fram að ákveðinn skilningur ríki á því að æskilegt sé að hluti þess fjár sem í sjóðnum er gangi til verkefna sem styrki tengslin milli EFTA-ríkjanna og styrkþegaríkjanna. Verkefnin geta m.a. snúið að endurnýtanlegum orkugjöfum, auðlinda-stjórnun, umhverfismálum og hugbúnaðarlausnum. Sjá nánar á vef utanríkisráðuneytisins (Stiklur 22. apríl 2005).
