Samantekt frá fundi SA um atvinnumál
Samtök atvinnulífsins efndu til opins umræðufundar um atvinnumál í Hörpu mánudaginn 26. september undir yfirskriftinni "Ryðjum hindrunum úr vegi - atvinnulíf í uppnámi." Þar fóru fulltrúar stærstu atvinnugreina landsins yfir hvað megi betur fara í atvinnulífinu og hvaða sóknarfæri eru til staðar. Vilmundur Jósefsson, formaður SA, flutti opnunarávarp og stýrði fundi en erindi frummælenda má nálgast á vef SA ásamt umfjöllun um fundinn.
Fundurinn var vel sóttur af fjölbreyttum hópi fólks úr atvinnulífinu. Frummælendur voru Grímur Sæmundsen, varaformaður Samtaka atvinnulífsins, Kolbeinn Kolbeinsson, framkvæmdastjóri ÍSTAKS, Margrét Kristmannsdóttir, formaður SVÞ - Samtaka verslunar og þjónustu, Adolf Guðmundsson, formaður LÍÚ - Landssambands íslenskra útvegsmanna og Hannes G. Sigurðsson, aðstoðarframkvæmdastjóri Samtaka atvinnulífsins.
Sjá nánar umfjöllun um erindi þeirra hér að neðan:
Formaður SA: Samtök atvinnulífsins munu ekki hafa frumkvæði að frekari samskiptum við ríkisstjórnina
Varaformaður SA: Bætum hag þjóðarinnar með því að kveða niður atvinnuleysið og skapa ný störf
Framkvæmdastjóri ÍSTAKS: Dýrkeypt að gera ekki neitt
Formaður
SVÞ: Brýnt að skapa nýja þjóðarsátt
Formaður LÍÚ: Hægt að skapa hundruð nýrra starfa ef óvissu um sjávarútveginn verður eytt
