Desemberuppbót 2017
Samkvæmt almennum kjarasamningum Samtaka atvinnulífsins greiðist desemberuppbót eigi síðar en 15. desember. Desemberuppbót fyrir fullt starf er nú kr. 86.000.
Uppbótin greiðist hlutfallslega miðað við starfstíma og starfshlutfall en fullt ársstarf telst að minnsta kosti 45 unnar vikur fyrir utan orlof.
Starfsmenn sem eru í starfi í fyrstu viku desember eiga ávallt rétt á uppbót, hlutfallslega miðað við starfstíma, en aðrir þurfa að hafa unnið að minnsta kosti 12 vikur á síðustu 12 mánuðum til að eiga rétt á uppbót.
