Áttin kynnt um land allt í janúar
Áttin er ný vefgátt sem greiðir leið fyrirtækja að umsóknum um styrki til fræðslu starfsfólks frá starfsmenntasjóðum og fræðslustofnunum. Fyrirtæki þar sem starfsmannahópurinn er fjölbreyttur og greitt er af í mismunandi stéttarfélög, hafa hingað til þurft að sækja til margra sjóða og fræðslustofnana um styrki. Þau eiga héðan í frá að geta sótt um styrki fyrir nær allt sitt fólk með aðeins einni umsókn í gegnum Áttina.
Áttin er sameiginlegt verkefni SA, ASÍ og átta fræðslusjóða sem standa að vefgáttinni.
Áttin verður kynnt á fundum um land allt í janúar en fyrstu fundirnir verða haldnir á Reyðarfirði, Egilsstöðum og Akureyri á morgun, þriðjudaginn 12. janúar.
Þorgerður Katrín Gunnarsdóttir, forstöðumaður mennta- og nýsköpunarsviðs SA, Halldór Grönvold, aðstoðarframkvæmdastjóri ASÍ og Sveinn Aðalsteinsson, verkefnisstjóri Áttarinnar, munu kynna síðuna og möguleika fyrirtækja á styrkjum tilfræðslu.
Boðið verður upp á kaffi og spjall að lokinni kynningu. Allir eru velkomnir en yfirlit yfir fundina má nálgast hér:
Reyðarfjörður
Hótel Austur þriðjudagur 12. janúar kl. 10-11
Egilsstaðir
Icelandair Hótel Hérað þriðjudagur 12. janúar kl. 12-13.30
Akureyri
Hótel KEA þriðjudagur 12. janúar kl. 17-18.30
Sauðárkrókur
Kaffi Krókur miðvikudagur 13. janúar kl. 12-13.30
Borgarnes
Landnámssetrið miðvikudagur 13. janúar kl. 17-18.30
Reykjanesbær
Miðstöð símenntunar á Suðurnesjum,
Krossmóa 4 fimmtudagur 14. janúar kl. 12-13.30
Selfoss
Hótel Selfoss fimmtudagur 14. janúar kl. 16-17.30
Ísafjörður
Hótel Ísafjörður föstudagur 15. janúar kl. 12-13.30
Reykjavík
Hótel Nordica fimmtudagur 28. janúar kl. 8.30-12
Kynning á menntatorgi Menntadags atvinnulífsins
Sjá nánar:
