Áhersla á minni skriffinsku
Ansgar Gabrielsen, viðskiptaráðherra í nýrri ríkisstjórn Noregs, segir baráttuna gegn óþarfa opinberri skriffinsku og reglubyrðum verða meðal helstu áhersluatriða stjórnarinnar. Fyrirtæki verja miklum tíma til að sinna ýmsum opinberum skriffinskukröfum og kemur það ekki síst illa við minni fyrirtæki. Tími til verðmætasköpunar og markaðsvinnu er þeim mun minni. Að sögn Gabrielsen mun minni skriffinskubyrði verða til að auka samkeppnishæfni fyrirtækjanna og leggja grunn að lægri skattheimtu og aukinni velferðarþjónustu. Sjá nánar á heimasíðu norsku samtaka atvinnulífsins.
